2016 جىلعى 26 قاڭتار, استانا قالاسى
بىرىڭعاي بايلانىس-ورتالىعى قىزمەتىنىڭ قاعيدالارىن بەكىتۋ تۋرالى
«مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 9-بابىنىڭ 9) تارماقشاسىنا سايكەس بۇيىرامىن:
1. قوسا بەرىلىپ وتىرعان بىرىڭعاي بايلانىس-ورتالىعى قىزمەتىنىڭ قاعيدالارى بەكىتىلسىن.
2. «مەملەكەتتىك كورسەتىلەتىن قىزمەتتەر ماسەلەلەرى بويىنشا بىرىڭعاي بايلانىس-ورتالىعى قىزمەتىنىڭ قاعيدالارىن بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2013 جىلعى 26 ماۋسىمداعى № 487 بۇيرىعىنىڭ (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 8583 بولىپ تىركەلگەن, «ەگەمەن قازاقستان» گازەتىندە 2013 جىلعى 26 قازاندا № 240 (28179) جاريالانعان) كۇشى جويىلدى دەپ تانىلسىن.
3. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (ت.ب.قازانعاپ):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە ونىڭ كوشىرمەسىن باسپا جانە ەلەكتروندىق تۇردە مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتiك قۇقىقتىق اكتiلەرiنiڭ ەتالوندىق باقىلاۋ بانكiنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 3-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن.
5. وسى بۇيرىق رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ, بىراق 2016 جىلعى 1 ناۋرىزدان بۇرىن ەمەس قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ
مىندەتىن اتقارۋشى ج.قاسىمبەك
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
___________ ە.دوساەۆ
2016 جىلعى 29 قاڭتار
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2016 جىلعى 26 قاڭتارداعى № 83 بۇيرىعىمەن بەكىتىلگەن
بىرىڭعاي بايلانىس-ورتالىعى قىزمەتىنىڭ قاعيدالارى
1. جالپى ەرەجە
1. وسى بىرىڭعاي بايلانىس-ورتالىعى قىزمەتىنىڭ قاعيدالارى (بۇدان ءارى – قاعيدالار) «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 9-بابىنىڭ 9) تارماقشاسىنا سايكەس ازىرلەندى جانە بىرىڭعاي بايلانىس-ورتالىعى قىزمەتىنىڭ ءتارتىبىن ايقىندايدى.
2. بىرىڭعاي بايلانىس-ورتالىعىنىڭ نەگىزگى مىندەتتەرى مەن فۋنكتسيالارى:
1) اقپاراتتىق-كوممۋنيكاتسيالىق, مەملەكەتتىك قىزمەتتەر جانە وزگە دە قىزمەتتەردى, ولاردى كورسەتۋدىڭ نىساندارى تۋرالى اقپاراتتىڭ قولجەتىمدىلىگىن ارتتىرۋ;
2) مەملەكەتتىك ورگانداردىڭ قىزمەتى تۋرالى كورسەتىلەتىن قىزمەتتى الۋشىلاردىڭ حاباردارلىق دەڭگەيىن ارتتىرۋ, سونداي-اق اقپاراتتىق-كوممۋنيكاتسيالىق, مەملەكەتتىك قىزمەتتەر جانە وزگە دە قىزمەتتەردى كورسەتۋ ءتارتىبى مەن پروتسەسى تۋرالى مەملەكەتتىك ورگاندار مەن كورسەتىلەتىن قىزمەتتى الۋشىلاردىڭ حاباردارلىق دەڭگەيىن ارتتىرۋ;
3) مەملەكەتتىك كورسەتىلەتىن قىزمەت بويىنشا اقپاراتتى ۇسىنۋ ماسەلەلەرى جونىندە ورتالىق مەملەكەتتىك ورگاندارمەن, وبلىستاردىڭ جەرگىلىكتى اتقارۋشى ورگاندارىمەن, رەسپۋبليكالىق ماڭىزى بار قالالارمەن, استانامەن, اۋداندارمەن, وبلىستىق ماڭىزى بار قالالارمەن, قالاداعى اۋداندارمەن, اۋداندىق ماڭىزى بار قالالارمەن, كەنتتەرمەن, اۋىلدارمەن, اۋىلدىق وكرۋگتەرمەن جانە قىزمەت بەرۋشىلەرمەن ءوزارا ءىس-قيمىل جاساۋ, اقپاراتتىق-كوممۋنيكاتسيالىق قىزمەتتەر جانە وزگە دە قىزمەتتەر بويىنشا مەملەكەتتىك ورگاندارمەن جانە «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق ينفراقۇرىلىمى وپەراتورىمەن ءوزارا ءىس-قيمىل جاساسۋ;
4) اقپاراتتىق-كوممۋنيكاتسيالىق, مەملەكەتتىك قىزمەتتەر جانە وزگە دە قىزمەتتەر بويىنشا اقپاراتتى الۋ ءۇشىن تەلەفوندىق قولجەتىمدىلىكتىڭ بىرىڭعاي نۇكتەسىمەن كورسەتىلەتىن قىزمەت الۋشىلاردى قامتاماسىز ەتۋ.
3. وسى قاعيدالاردا مىناداي ۇعىمدار جانە قىسقارتۋلار پايدالانىلادى:
1) اقپاراتتىق-كوممۋنيكاتسيالىق كورسەتىلەتىن قىزمەت – وسى كورسەتىلەتىن قىزمەتتەردىڭ جۇمىس ىستەۋى ارقىلى قامتاماسىز ەتىلەتىن بايلانىس قىزمەتتەرىن قوسا العاندا, ەسەپتەۋ رەسۋرستارىن جالعا الۋ جانە (نەمەسە) ورنالاستىرۋ, باعدارلامالىق قامتاماسىز ەتۋدى, باعدارلامالىق ونىمدەردى, سەرۆيستىك باعدارلامالىق ونىمدەردى جانە تەحنيكالىق قۇرالداردى پايدالانۋعا بەرۋ جونىندەگى كورسەتىلەتىن قىزمەت نەمەسە كورسەتىلەتىن قىزمەتتەردىڭ جيىنتىعى;
2) بىرىڭعاي بايلانىس-ورتالىعى – اقپاراتتىق-كوممۋنيكاتسيالىق, مەملەكەتتىك قىزمەتتەر جانە وزگە دە قىزمەتتەر كورسەتۋ ماسەلەلەرى جونىندەگى اقپاراتتى كورسەتىلەتىن قىزمەت الۋشىلارعا, سونداي-اق اقپاراتتىق-كوممۋنيكاتسيالىق قىزمەتتەر كورسەتۋ ماسەلەلەرى جونىندەگى اقپاراتتى مەملەكەتتىك ورگاندارعا ۇسىنۋ بويىنشا اقپاراتتىق-انىقتامالىق قىزمەتىنىڭ فۋنكتسيالارىن ورىندايتىن قازاقستان رەسپۋبليكاسىنىڭ ۇكىمەتى انىقتايتىن زاڭدى تۇلعا;
3) بىرىڭعاي بايلانىس ورتالىعىنىڭ اقپاراتتىق-انىقتامالىق ءبىلىم بازاسى (بۇدان ءارى – ءبىلىم بازاسى) – كورسەتىلەتىن قىزمەتتەردى الۋشىعا جاۋاپ بەرۋگە ساقتاۋ, اقپاراتتى تولتىرۋ, جاڭارتۋ جانە قاجەتتى اقپاراتتى ىزدەنىستىرۋ ءۇشىن بىرىڭعاي بايلانىس ورتالىعىنىڭ ەلەكتروندىق دەرەكتەر قورى;
4) بىرىڭعاي بايلانىس-ورتالىعىنىڭ وپەراتورى (بۇدان ءارى - وپەراتور) – كورسەتىلەتىن قىزمەت الۋشىلاردى ولاردىڭ قىزىعۋشىلىق تۋعىزاتىن قىزمەتتەرى بويىنشا اقپاراتتىق-انىقتامالىق قولداۋدى جۇزەگە اسىراتىن بىرىڭعاي بايلانىس - ورتالىعىنىڭ قىزمەتكەرى;
5) مەملەكەتتىك كورسەتىلەتىن قىزمەت – كورسەتىلەتىن قىزمەتتى الۋشىلاردىڭ ءوتىنىشى بويىنشا جەكە تارتىپپەن جۇزەگە اسىرىلاتىن جانە ولاردىڭ قۇقىقتارىن, بوستاندىقتارى مەن زاڭدى مۇددەلەرىن ىسكە اسىرۋعا, ولارعا ءتيىستى ماتەريالدىق نەمەسە ماتەريالدىق ەمەس يگىلىكتەر بەرۋگە باعىتتالعان جەكەلەگەن مەملەكەتتىك فۋنكتسيالاردى ىسكە اسىرۋ نىساندارىنىڭ ءبىرى;
6) «ەلەكتروندىق ۇكiمەتتiڭ» اقپاراتتىق-كوممۋنيكاتسيالىق ينفراقۇرىلىمىنىڭ وپەراتورى (بۇدان ءارى – اكي وپەراتورى) – وزىنە بەكىتىپ بەرىلگەن «ەلەكتروندىق ۇكiمەتتiڭ» اقپاراتتىق-كوممۋنيكاتسيالىق ينفراقۇرىلىمىنىڭ جۇمىس ىستەۋىن قامتاماسىز ەتۋ جۇكتەلگەن, قازاقستان رەسپۋبليكاسىنىڭ ۇكىمەتى ايقىندايتىن زاڭدى تۇلعا.
2. بىرىڭعاي بايلانىس-ورتالىعى قىزمەتىنىڭ ءتارتىبى
4. بىرىڭعاي بايلانىس-ورتالىعى:
1) مەملەكەتتىك جانە وزگە دە قىزمەتتەر كورسەتۋ ماسەلەلەرى بويىنشا جەكە جانە زاڭدى تۇلعالاردى تاۋلىك بويى كونسۋلتاتسيالىق قولداپ وتىرۋدى جۇزەگە اسىرادى;
2) مەملەكەتتىك ورگاندارعا كورسەتەتىن اقپاراتتىق-كوممۋنيكاتسيالىق قىزمەتتەرىنىڭ ماسەلەلەرى بويىنشا ولاردى تاۋلىك بويى كونسۋلتاتسيالىق قولداپ وتىرۋدى جۇزەگە اسىرادى;
3) «ەلەكتروندىق ۇكىمەت» ماسەلەلەرى بويىنشا جەكە جانە زاڭدى تۇلعالاردى, مەملەكەتتىك ورگانداردى تاۋلىك بويى كونسۋلتاتسيالىق قولداپ وتىرۋدى جۇزەگە اسىرادى;
4) اقپاراتتىق-كوممۋنيكاتسيالىق, مەملەكەتتىك جانە وزگە دە كورسەتىلەتىن قىزمەتتەردى الۋشىدا تۋىنداعان سۇراقتار بويىنشا تۇسىندىرمەلەر بەرۋ ءۇشىن اكي وپەراتورعا, مەملەكەتتىك ورگاندارعا جانە وزگە دە ۇيىمدارعا سۇراۋ سالۋ جىبەرەدى;
5) اكي وپەراتورعا, مەملەكەتتىك ورگاندارعا جانە وزگە دە ۇيىمدارعا جەكە جانە زاڭدى تۇلعالاردان كەلىپ تۇسكەن وتىنىشتەر بويىنشا اقپاراتتى جۇيەلى نەگىزدە جىبەرىپ وتىرادى.
5. بىرىڭعاي بايلانىس-ورتالىعى ءوز قىزمەتىندە مىناداي قاعيداتتاردى باسشىلىققا الادى:
1) قىزمەتتەردىڭ ساپاسى مەن قولجەتىمدىلىگى;
2) قىزمەتتەردى كورسەتۋ ءتارتىبى تۋرالى دۇرىس جانە وزەكتى اقپاراتتى ۇسىنۋ;
3) قىزمەتتەردى كورسەتۋ ءتارتىبى تۋرالى تولىق جانە جەدەل اقپاراتتى ۇسىنۋ.
6. بىرىڭعاي بايلانىس-ورتالىعى ءوزىنىڭ قىزمەتتەرىن قازاقستان رەسپۋبليكاسىنىڭ حالقىنا تاۋلىك بويى, ۇزدىكسىز, دەمالىس جانە مەرەكە كۇندەرى كورسەتەدى.
7. ازاماتتاردىڭ جانە مەملەكەتتىك ورگانداردىڭ وتىنىشتەرى 1414, 8 800 080 7777 تەگىن تەلەفون نومىرلەرىنە, www.1414.kz ينتەرنەت رەسۋرسى بويىنشا, egov@nitec.kz, support@pki.gov.kz, sd@nitec.kz ەلەكتروندىق پوشتاسىنىڭ مەكەنجايىنا كەلىپ تۇسەدى.
تەلەفون ارقىلى شاعىمدانعان جاعدايدا كورسەتىلەتىن قىزمەتتى الۋشىنىڭ قوڭىراۋى تۇسكەن ۋاقىتتان باستاپ بايلانىس جەلىسىندە جاۋاپتى كۇتۋدىڭ ورتاشا ۋاقىتى قىرىق سەكۋندتان اسپاۋى ءتيىس.
8. ەلەكتروندىق پوشتاعا نەمەسە www.1414.kz ەلەكتروندىق مەكەنجايى بويىنشا ينتەرنەت رەسۋرسقا كەلىپ تۇسكەن وتىنىشتەردى تىركەۋ اۆتوماتتى تۇردە جۇزەگە اسىرىلادى, جاۋاپ ەكى جۇمىس كۇنى ىشىندە بەرىلەدى.
9. وپەراتور ءبىلىم بازاسىنداعى بار اقپارات بويىنشا قىزمەتتەردىڭ اقپاراتتىق-انىقتامالىق قولداۋىن جۇزەگە اسىرادى.
10. ەگەر وتىنىشتەردە بىرىڭعاي بايلانىس-ورتالىعى قىزمەتىنە كىرمەيتىن ماسەلەلەر قامتىلسا, وپەراتور ءوتىنىش بىلدىرگەن ادامعا وسى ماسەلەلەردى شەشۋى ونىڭ قۇزىرەتىنە كىرەتىن سۋبەكتىگە قاتىستى ونداعى بار اقپاراتتى بەرەدى.
11. قوڭىراۋدى قايتا باعىتتاعان كەزدە وپەراتور كورسەتىلەتىن قىزمەتتى الۋشىنى ول تۋرالى ەسكەرتۋگە مىندەتتى.
12. بىرىڭعاي بايلانىس-ورتالىعى ەلەكتروندىق تسيفرلىق قولتاڭبامەن كۋالاندىرىلعان ەلەكتروندىق قۇجات نىسانىندا www.egov.kz ەلەكتروندىق مەكەنجايى بويىنشا ينتەرنەت-رەسۋرسى ارقىلى شاعىمداردى بەرۋ ماسەلەلەرى بويىنشا كورسەتىلەتىن قىزمەتتەردى الۋشىلارعا كونسۋلتاتسيا بەرەدى جانە مەرزىمى تۋرالى حاباردار ەتەدى.
13. كورسەتىلەتىن قىزمەتتى الۋشىعا كورسەتىلگەن كونسۋلتاتسيانىڭ ساپاسىن باعالاۋ مۇمكىندىگى بەرىلەدى. وپەراتورمەن سويلەسۋ اياقتالعاننان كەيىن بىردەن بەس باللدىق شكالا بويىنشا وپەراتوردىڭ جۇمىسىن باعالاۋدى ۇسىناتىن جۇيە اۆتوماتتى تۇردە قوسىلادى.
14. اقپاراتتاندىرۋ سالاسىنداعى ۋاكىلەتتى ورگاننىڭ جانە (نەمەسە) مەملەكەتتىك قىزمەتتەردىڭ ساپاسىن باعالاۋ جانە باقىلاۋ جونىندەگى ۋاكىلەتتى ورگاننىڭ جازباشا تالابى بويىنشا بىرىڭعاي بايلانىس-ورتالىعى ءتيىستى سۇراۋ سالۋدى العاننان كەيىن ءتورت ساعاتتان اسپايتىن مەرزىمدە وپەراتورلاردىڭ سويلەسۋ جازباسىن بەرەدى. بۇل رەتتە سۇراۋ سالۋدا كورسەتىلەتىن قىزمەتتى الۋشىنىڭ كۇنى جانە تەلەفون ءنومىرى كورسەتىلۋى ءتيىس.
15. بىرىڭعاي بايلانىس-ورتالىعى وپەراتورلاردىڭ كاسىبي قۇزىرەتىن ارتتىرۋدى تۇراقتى نەگىزدە جۇزەگە اسىرادى, مەملەكەتتىك قىزمەتتەردىڭ ستاندارتتارى بويىنشا وقىتۋدى جانە قايتا وقىتۋدى جۇرگىزەدى, ىنتالاندىرۋ جانە ماداقتاۋ سيپاتىنداعى شارالاردى قولدانادى.
16. مەملەكەتتىك قىزمەتتەردى كورسەتۋ ماسەلەلەرى بويىنشا اقپاراتتى بەرۋدىڭ ساپاسىن باقىلاۋ اقپاراتتاندىرۋ سالاسىنداعى ۋاكىلەتتى ورگانمەن جۇزەگە اسىرىلادى.
17. بىرىڭعاي بايلانىس-ورتالىعىنىڭ اقپاراتتىق-كوممۋنيكاتسيالىق قىزمەتتەر بويىنشا كونسۋلتاتسيا بەرۋى ءۇشىن اكي وپەراتورىن:
1) بىرىڭعاي بايلانىس-ورتالىعى قىزمەتكەرلەرىن وقىتادى;
2) بىرىڭعاي بايلانىس-ورتالىعىنىڭ ءبىلىم بازاسىن قاجەتتى اقپاراتپەن تولتىرادى;
3) مەملەكەتتىك ورگانداردىڭ سۇراۋ سالۋلارىن شەشۋ ءۇشىن سەرۆيستىك باعدارلامالىق ءونىمدى جەتكىزۋشىلەردىڭ قىزمەتكەرلەرىنەن جانە ءوز قىزمەتكەرلەرىنەن تۇراتىن جاۋاپتى تۇلعالار توبىن قۇرادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13324 بولىپ ەنگىزىلدى.